Berriak

Kirola

CPM ZIRKUITUAREN INGURUKO ADIERAZPEN INSTITUZIONAL BATERATUA

EEPFk, NEPFk, BEPF, AEPF eta GEPF, Circuito de Pelota Mano —CPM— delakoaren aldi baterako geldialdiaren inguruan zabaldutako informazioen aurrean, honakoa adierazi nahi dute:

Federazio guztiek irmoki baztertzen dute “boikot” salaketa oro. Ez da inoiz egon pilota sustatzeko ekimenak kaltetzeko borondaterik; aitzitik, edozein lehiaketa segurtasun juridikoarekin, beharrezko estaldurarekin eta indarrean dagoen federazio- eta araudi-esparruarekiko errespetuz garatzea bermatu nahi izan da.

Pilotarien aseguruari, lizentziei, estaldurari eta lehiaketa baten nazioartekotzeari lotutako gaiak ez dira modu artifizialean sortutako oztopoak, baizik eta edozein kirol-proiektu martxan jarri aurretik ebatzi beharreko oinarrizko baldintzak. Ezin zaie federazioei egotzi zirkuituaren antolakuntzari zegozkion alderdien erantzukizuna.

Federazioak beti egon dira elkarrizketarako eta pilota afizionatua hobetzen lagundu dezaketen proposamenak aztertzeko prest. Baina klubetan, pilotarietan, txapelketetan eta rankingetan eragina izan nahi duen edozein ekimen elkarlanetik, plangintzatik, adostasunetik eta arau komunekiko errespetutik eraiki behar da.

Aldi baterako proiektua geldiarazteko erabakiaren aurrean, uste dugu gertatutakoak erakusten duela zein garrantzitsua den zorroztasunez eta koordinazio instituzionalarekin lan egitea, kluben, pilotarien, babesleen eta zaleen artean itxaropenak sortu aurretik.

Pilotak batasuna, erantzukizuna eta partekatutako irtenbideak behar ditu. Ildo horretan jarraituko dute lanean federazio guztiek, gure kiroleko eragile guztiekin batera, pilotaren oraina eta etorkizuna sendotzeko.

 

Euskadiko Euskal Pilota Federakuntza
Nafarroako Euskal Pilota Federazioa
Bizkaiko Eusko Pilota Federakuntza
Arabako Euskal Pilota Federazioa
Gipuzkoako Euskal Pilota Federazioa

 

Galeria