Berriak

14aza
FINAL-LAURDENETAKO EMOZIOA ETA SAILKAPENAK: HIRU KATEGORIA FINALAURREKOETAN EUSKAL SELEKZIOARENTZAT Kirola

FINAL-LAURDENETAKO EMOZIOA ETA SAILKAPENAK: HIRU KATEGORIA FINALAURREKOETAN EUSKAL SELEKZIOARENTZAT

Azaroaren 13an, Frontballeko Munduko Txapelketan funtsezko eguna izan da Euskal Selekzioarentzat.

Goizean ligaxkako azken partidak jokatu dira eta, ondoren, final-laurdenei eman zaie hasiera. Egun borobila izan da, baina momentu gazi-gozorik ere utzi du.

⚾ Ligaxkako azken partidak: bi garaipen sendo

Bi partida jokatu ditu Euskal Selekzioak goizean, mailan absolutuan, eta biak nagusitasunez irabazi ditu:

  • Itxaso Erasun (Emakumezkoak Absolutua) 🆚 Peru (Cristina Nuñez)
    10-02 / 10-01
  • Mikel Aurrekoetxea (Gizonezkoak Absolutua) 🆚 Erresuma Batua (Dan Grant)
    10-01 / 10-03

 

Bi pilotariek euren erritmoa ezarri dute eta aurkariak atzean utzita azken faserako bidea egin dute.

⚾ Final-laurdenak: indarra, sufrimendua eta ausardia

🔹 Oihan Etxeberria (Gizonezkoak Sub23)

Argentinaren aurka aritu da eta bizkarreko lesio batekin jokatu du norgehiagoka. Lehen jokoa irabazi ondoren, minarekin jarraitu du, baina ez du amore eman eta 10-03 / 10-04 emaitzarekin garaipena lortu du.

Ezingo du bihar jokatu, baina Bingen Beitia prest dago Frantziaren aurkako finalaurrekorako.

🔹 Miren Larrarte (Emakumezkoak Absolutua)

Wendy Leidys Kubatarra izan du aurkari, eta lehen jokoa borrokotaua izan da. Mirenek jokoari buelta eman dio eta bere maila erakutsi du. Azken emaitza: 10-06 / 10-02. Mexikoren aurkako finalaurrekora sailkatu da. 

🔹 Julen Alberdi (Gizonezkoak Absolutua)

Kubako Daniel Leiva izan du aurkari. Lehen jokoa 10-07 galdu du, eta bigarrenean hobeto aritu bada ere, akats batzuek kalte egin diote. 7nako berdinketaren ostean aurkariak tantoak jarraian egitea lortu du eta bigarren seta ere 10-07 ere galdu du Julenenk. Horrela, kategoria honetan kanporatuta geratu da Euskal Pilota Selekzioa.

🟢 Hiru pilotari finalaurrekoetan: gaurko eguna erabakigarria izango da

Horrela, Euskal Selekzioak hiru ordezkaritza izango ditu finalaurrekoetan. Pilotari guztiak aukerekin daude finalaren bila joatekoa:

📌 Finalaurrekoak – Azaroaren 14a (ostirala)

  • Nora Mendizabal (23U Emakumezkoak) 🆚 FRANTZIA
  • Bingen Beitia (23U Gizonezkoak) 🆚 FRANTZIA
  • Miren Larrarte (Emakumezkoak Absolutua) 🆚 MEXIKO

 

🔜 Egun handia izango da gaurkoa Euskal Selekzioarentzat¡