Berriak

3api
MUTILAK JOKO INTERNAZIONALEAN ETA TRADIZIONALEAN FINALERDIETARA ETA NESKAK FINALA BIDERATUTA Kirola

MUTILAK JOKO INTERNAZIONALEAN ETA TRADIZIONALEAN FINALERDIETARA ETA NESKAK FINALA BIDERATUTA

Lehiaketaz betetako lehen egunean, Euskal Pilota Selekzioak Europako txapelketako Joko Internazionaleko finalerdiak bideratu ditu baita gizonezkoen Joko Tradizionalekoak ere.

Jardunaldia luzea izan da Freixoko kantxetan. Lehenbiziko egun honetan Joko Internazionaleko eta Pilota Portugaldarreko liga faseak jokatu dira eta Euskal Pilota Selekzioko emakume eta gizonek duten maila ikaragarria erakutsi dute Europako Pilota txapelketa honetan. 

Gizonezkoen Joko Internazionalean, finalerdietara sailkatzeko talde oso gogorra zuten eta Italiaren aurkako lehenbiziko partidua tanto batengatik galdu eta gero (6-5) gauzak zailago jarri dira. Bigarren partidua erraz irabazi dute 6-0 Portugalen aurka baina Valentziarrek eta Italiarrek gauza bera egin dute. Valentziak 6-4 irabazi dio Italiari eta hori dela eta finalerdietara sailkatzeko Munduko txapelduna den Valentziari irabazi behar zioten gure mutilek. Ikaragarrizko partidua jokatu eta gero Euskal Pilota Selekzioak 6-5 irabazi dio Valentziari eta bihar goizean jokatuko diren finalerdietara sailkatu dira. Finalerdia Herbehereen aurka jokatuko dute. 

Emakumezkoen Joko Internazionala arratsaldez hasi da eta gaurko egunean taldeko faseko lehen bi partiduak bakarrik jokatu behar izan du Euskal Pilota Selekzioak. Lehenbiziko partidua oso lehiatua izan da eta azkenean 6-5eko markagailu estuarekin irabazi diote Herbehereei. Bigarren partiduan oso motel hasi dira gure neskak Italiarren eta konturatu orduko 1-4 galtzen jarri dira. Momentu horretan berpiztu eta gaur egungo munduko txapeldunak zergatik diren erakutsi dute 6-5 irabazita. Bihar goizean taldeko faseko beste bi partiduak jokatuko dituzte eta dena espero bezala joaten bada arratsaldeko 15:00etan finala jokatuko dute. 

Eguna gizonezkoen Joko Tradizionalaren taldeko fasearekin bukatu da. Guztira 3 partidu jokatu dituzte eta lehen bi partiduak irabazi eta gero Valentziarren aurka galdu egin dute. Ala eta guztiz larunbat arratsaldeko finalerdietara sailkatzea lortu dute gure mutilek. Hauek izan dira emaitzak:

 

🟢 EUSKAL SELEKZIOA: 20

🔵ITALIA: 10

 

🟢 EUSKAL SELEKZIOA: 20

🔵INGALATERRA: 12

 

🟢 EUSKAL SELEKZIOA: 20

🔵VALENCIA: 10

 

Finalerdiak, larunbat arratsaldean Belgikaren aurka jokatuko dute.